FORO DE
INTERNACIONALIZACIÓN
DA DANZA
8 XULLO
AMES
9 XULLO
OUTES
FORO DE INTERNACIONALIZACIÓN DA DANZA 2026
Os días 8 e 9 de xullo de 2026, os concellos de Ames e Outes acollerán unha nova edición do Foro sobre a Distribución Nacional e Internacional da Danza en Galicia, unha iniciativa impulsada pola Axencia Galega das Industrias Culturais (AGADIC) e o Centro Coreográfico Galego, coa coordinación de ISMO Cultura e o apoio de Escena Galega.
O foro nace como unha acción complementaria ás estratexias de promoción exterior que veñen impulsando a presenza da danza galega en plataformas internacionais como Quinzena de Almada, Cádiz en Danza ou Dansa València. Nesta ocasión, a proposta fai o movemento inverso: recibir en Galicia a programadores/as, responsables de festivais, redes de distribución e medios especializados para compartir con eles o noso contexto creativo e favorecer novas oportunidades de circulación.
Ao mesmo tempo, o encontro pretende situar Galicia como un espazo de referencia para o pensamento, a creación e a exhibición da danza contemporánea, xerando un contexto de interese no panorama estatal no que o territorio, as compañías e os seus ecosistemas de traballo se convertan tamén en protagonistas.
Ademais, máis que un mercado profesional, o foro propón unha experiencia de convivencia baseada no anfitrionismo, no coñecemento directo do territorio e na creación de relacións profesionais duradeiras a través do tempo compartido.
ANTECEDENTES
A primeira edición do foro, celebrada en 2025, reuniu máis de 60 profesionais da danza entre compañías, programadores/as, representantes institucionais, redes de distribución e medios especializados, consolidándose como un espazo de encontro e intercambio profesional arredor da circulación da danza galega.
PERSOAS CONVIDADAS
O encontro reunirá responsables de plataformas internacionais, festivais, redes de distribución e medios especializados do ámbito ibérico e europeo. Entre as persoas convidadas atópanse:
Natividad Buil · Red Acieloabierto / Festival Trayectos
Lorena Benot · Cádiz en Danza
Jimena Rodríguez · Danza Gijón
Athanas Maev · Moving Balkans – Regional Platform for Contemporary Dance
Fernando López Rodríguez · Dance From Spain / FECED
Mercedes L. Caballero · Xornalista especializada en danza (Él País, Revista Godot)
Belisa Braças · Instável Centro Coreográfico (Porto)
Ademais, participarán programadores/as galegos, compañías asociadas a Escena Galega e outros axentes do sector cultural.
8 de xullo
ames
í PRAIA DE TAPIA
12:30 h | RECEPCIÓN E CAFÉ DE BENVIDA.
Se chove: Casa da cultura de Bertamiráns
13:00h | SHOWCASES
Laboratorio Escénico
Laboratorio Escénico
Laboratorio Escénico
Laboratorio Escénico
MONTE - VERSIÓN ESTENDIDA (EXTRACTO)
SHOWCASE FORO
Laboratorio Escénico | Galicia
Duración: 10’
Dirección e coreografía: Maura Morales (adaptación de Alba Fernández e Ana Beatriz Pérez)
Interpretación: Ana Beatriz Pérez, Alba Fernández e Alicia López
Sinopse
MONTE – Versión Estendida é unha peza de danza e música en directo que nace das historias de mulleres e fronteiras, tomando o corpo como única equipaxe. Mulleres que deixan atrás a terra coñecida e aprenden a habitar outras, transformándose no tránsito entre culturas. O monte convértese nun espazo simbólico onde memoria, espiritualidade e tradición se entrecruzan, revelando un territorio compartido entre o visible e o oculto. A través do movemento, o corpo funciona como un arquivo vivo dunha identidade híbrida que se reinventa constantemente. En ABANEA preséntase un extracto desta creación, interpretado polas tres bailarinas da peza.
Traxectoria da compañía
Laboratorio Escénico é unha compañía galega de artes escénicas creada en 2019 baixo a dirección de Alba Fernández, Alicia López e Carmen Cotelo. O seu traballo caracterízase pola creación de espectáculos que combinan danza, teatro e música para abordar temáticas sociais desde unha linguaxe contemporánea e multidisciplinar. Actualmente conta con sete producións en xira e desenvolve tamén unha intensa actividade de formación, creación e investigación desde o espazo Laboratorio Escénico Coop, sede da compañía na Coruña. Para MONTE – Versión Estendida contaron coa dirección artística e coreografía de Maura Morales, coreógrafa cubana afincada en Alemaña, enriquecendo a proposta cunha mirada internacional e profundamente conectada coa poética do corpo.
Martín Blanco
Martín Blanco
MAIS
ACOMPAÑAMENTO ENREDE ABANEA
Martín Blanco | Galicia
Duración: 11’
Coreografía e direción: Martín Blanco e Carlota Rosón Rojo
Intérprete: Martín Blanco
Sinopse
Mais é unha peza de danza, acrobacia e clown para un único intérprete. A obra explora dúas realidades paralelas: a do presente e a de soñar espertos, ese espazo imaxinario ao que acudimos cando ansiamos aquilo que non temos. Entre desexos, expectativas e proxeccións, o protagonista transita entre a realidade e a fantasía na procura dunha versión diferente de si mesmo.
Traxectoria da compañía
SÖA é un proxecto escénico galego creado por Martín Blanco, Marta Velázquez e Carlota Rosón Rojo, que combina música, danza e teatro nunha linguaxe propia. O colectivo participou en festivais e residencias artísticas en Galicia, Cataluña, Madrid e Portugal, desenvolvendo o seu traballo en espazos como a Casa del Teatre Nu, a sede da Compañía Nacional de Danza ou o programa de residencias Atopémonos Bailando. Co espectáculo Coa cabeza nas nubes formaron parte do programa Da Man e das Residencias LAC do Centro Dramático Nacional. En 2026 recibiron o Premio ao Mellor Espectáculo no festival Imaginarius (Portugal).
íPAZO DA PEREGRINA | BERTAMIRÁNS
16:00 – 16:30h | RECEPCIÓN
16:30 – 18:00h | CIRCULACIÓN NACIONAL E INTERNACIONAL DA DANZA CONTEMPORÁNEA: DE ESPAÑA A EUROPA.
Participan:
Athanas Maev · Moving Balkans
Fernando López Rodríguez · Dance From Spain / FECED
Belisa Braças · Instável Centro Coreográfico (Porto)
Modera: Paula Quintas, IS·MO Cultura.
18:00 - 18:30h | PAUSA-CAFÉ
18:45 – 19:45h | NETWORKING: ESPAZO DE PRESENTACIÓN DE COMPAÑÍAS E PROXECTOS GALEGOS.
9 de xullo
outes
13:00h | SHOWCASE
Corpo Liminal
Corpo Liminal
SOLASTALGIA
SHOWCASE FORO
Corpo Liminal | Galicia - Madrid
Duración: 20’
Coreografía e interpretación: Ana Erdozain e Alba González
Sinopse
Solastalgia é un dúo de danza contemporánea que propón unha reflexión sobre a adaptación, a memoria e a identidade en contextos de crise medioambiental. A través dun percorrido por paisaxes alteradas, os corpos transitan entre a resistencia e a resignación, cuestionando a nosa capacidade para seguir habitando aquilo que xa non recoñecemos. Como continuar cando o mundo que lembramos desapareceu?
Traxectoria da compañía
Corpo Liminal é un proxecto de danza contemporánea creado por Ana Erdozain e Alba González, nacido da vontade de construír un espazo de investigación artística compartida desde unha perspectiva multidisciplinar. As súas creacións integran movemento, son, texto, vestiario e audiovisual como elementos activos da dramaturxia. Desde 2016 desenvolven un traballo continuado presentado en teatros, espazos independentes e festivais estatais. Entre as súas pezas destacan Las Doradas, Centro de Giro e Solastalgia, estreada no Festival Ellas Crean de Madrid en 2025 e presentada posteriormente en diversos festivais nacionais.
14:00h | SHOWCASE
VACAburra
VACAburra
VACAburra
VACAburra
DANZALISMOS
SHOWCASE FORO
VACAburra | Galicia
Duración: 15’
Creación, dirección e interpretación: VACAburra (Andrea Quintana e Gena Baamonde)
Sinopse
DANZALISMOS é unha conferencia escénica performativa na que Andrea Quintana e Gena Baamonde comparten o universo creativo de VACAburra desde o humor, a acción e o corpo en movemento. A través dunha proposta híbrida que combina palabra, performance e danza contemporánea, a peza percorre os principais eixos de investigación da compañía: a diversidade, a disidencia, a recuperación de xenealoxías esquecidas de mulleres e as posibilidades expresivas do corpo como espazo político e poético. Un convite para achegarse ao seu imaxinario desde un formato próximo, lúdico e profundamente contemporáneo.
Traxectoria da compañía
VACAburra nace en Galicia no ano 2019 como unha plataforma de creación contemporánea impulsada por Andrea Quintana e Gena Baamonde. O seu traballo caracterízase pola hibridación de linguaxes escénicas, o feminismo, a diversidade sexual e de xénero, o humor e a investigación teórico-práctica, situando o corpo como principal motor da creación. Ao longo da súa traxectoria desenvolveron pezas como O raro é que bailar sexo raro, Metodoloxías Carroñeiras para Corpos Invertidos, Familia Nijinska e Festina Lente, propostas que cuestionan as narrativas hexemónicas e exploran os cruces entre danza, pensamento crítico e creación contemporánea, convertendo o movemento e o vandalismo en ferramentas metodolóxicas para imaxinar outras formas de habitar o mundo.
í CARBALLEIRA CASA DA CULTURA
16:00 – 16:30h | RECEPCIÓN
16:30 - 18:00h | MESA: A DANZA GALEGA DENDE UNHA MIRADA EXTERIOR.
Participan:
Lorena Benot · Cádiz en Danza
Jimena Rodríguez · Danza Xixón
Mercedes L. Caballero
Modera: Marta Alonso · IS·MO Cultura
18:00 - 18:30h | PAUSA-CAFÉ
18:30 - 20:00h | MESA: COMO FORTALECER A PRESENZA DA DANZA GALEGA NOS MERCADOS NACIONAIS E INTERNACIONAIS.
Participan:
Pilar Portela · AGADIC
Natividad Buil · Festival Trayectos / Red Acieloabierto
Fernando López Rodríguez · Dance From Spain / FECED
Modera: Fran Sieira · Escena Galega
